काठमाडौँ । धरान उपमहानगरपालिकाका नवनिर्वाचित मेयर हर्कराज राईले पुराना तथा थोत्रा भएका हवाइजहाजहरुलाई बिसर्जन गराउन सरकारलाई आग्रह गरेका छन् ।
पोखरादेखि मुस्ताङ जाने क्रममा तारा एयरको ट्विनअटर जहाजसम्पर्कविहीन भएको घटनाप्रति दुःख व्यक्त गर्दै मेयर राईले संघीय सरकारसमक्ष यस्तो अनुरोध गरेका हुन् । उनले भनेका छन्- ‘हवाइ जहाज दुर्घटनामा परी ज्यान गुमाउनुहुनेहरु प्रति हार्दिक श्रद्धाञ्जली व्यक्त गर्दै थोत्रे हवाइजहाजहरु बिसर्जन गर्न गराउन नेपाल सरकारलाई अनुरोध गर्दछु ।’
तारा एयरको विमान पोखराबाट आज बिहान ९ बजेर ५५ मिनेटमा जोमसोमका लागि उडेको थियो । पच्चीस मिनेटको यात्रापछि अवतरण हुनुपर्ने जहाज अझै सम्पर्कका आउन सकेको छैन । जहाजमा १९ यात्रु र चालक दलका तीन सदस्य रहेको जनाइएको छ ।
