काठमाडौँ- टिकटकमाथि प्रतिबन्ध लगाएर सरकारले विचार र अभिव्यक्ति स्वतन्त्रतालाई निषेध गरेको भन्दै विभिन्न क्षेत्रका पेशाकर्मीहरुले आपत्ति जनाएका छन् ।
पाटनको यलमाया केन्द्रमा आयोजित कानुन व्यवसायी पत्रकार तथा विभिन्न पेशाकर्मीहरुको भेलाले सरकारले कार्यकारी आदेशका भरमा टिकटकमाथि प्रतिबन्धको बहानामा विचार र अभिव्यक्ति स्वतन्त्रतालाई निषेध गर्ने प्रयास गरेको भन्दै आपत्ति जनाएको हो ।
भेलामा सहभागीहरुले टिकटकमाथि प्रतिबन्ध लगाउने निर्णय अस्वीकार्य रहेको भन्दै अभिव्यक्ति स्वतन्त्रताप्रति प्रतिबद्ध हुन सरकारलाई आग्रह गरेको वरिष्ठ अधिवक्ता टीकाराम भट्टराईले जानकारी दिए ।
