काठमाडौँ । नेपालमा आज कोरोना भाइरसको सङ्क्रमण २१ जनामा देखिएको छ । स्वास्थ्य तथा जनसङ्ख्या मन्त्रालयले सार्वजनिक गरेको बुलेटिनअनुसार ३ हजार ७८८ जनामा कोरोना परीक्षण गर्दा २१ जनामा सङ्क्रमण देखिएको हो ।
पछिल्लो समय १६ जना कोरोनाबाट निको भएर घर फर्किएका छन् । आज सङ्क्रमणबाट कसैको पनि निधन भएको छैन । विगत २४ घण्टामा ११ हजार ५ जनाले खोप लगाएका छन् । मन्त्रालयका अनुसार सक्रिय सङ्क्रमितको सङ्ख्या १८७ जना रहेका छन् ।
