काठमाडौँ । प्रतिनिधिसभाको बैठक स्थगित भएको छ।
प्रमुख प्रतिपक्षी दल नेपाली कांग्रेस र जसपाका सांसदहरुको विरोधका कारण प्रतिनिधिसभाको बैठक बुधबार १ बजेसम्मका लागि स्थगित भएको सभामुख अग्नि सापकोटाले सूचना टाँसेर जानकारी दिएका हुन् ।
पाँच वर्षे कार्यकाल भएर पनि नेपाल कम्युनिष्ट पार्टी (नेकपा) भित्रको विवादका कारण तीन वर्षमै विघटन भएको प्रतिनिधिसभाको बैठक सर्वोच्च अदालतको आदेशपछि आजदेखि शुरु भएको हो ।
बैठकलाई नेकपाको पुष्पकमल दाहाल प्रचण्ड र माधवकुमार नेपाल पक्षले बैठक बहिष्कार गरेको थियो भने संवैधानिक परिषद् सम्बन्धि अध्यादेशको विरोधमा प्रमुख प्रतिपक्षी दल नेपाली कांग्रेसले रोष्टम घेराउ गरेको थियो। त्यसपछि बैठक १० मिनेटका लागि बैठक स्थगित गरिएको थियो । सहमतिमा पुग्न नसकेपछि सभामुख सापकोटाले अर्को बैठक २६ गते दिउँसो १ बजे बस्ने गरी स्थगित गरेका हुन्।
सदनको आजको कार्यसूचीमा विभिन्न आठ अध्यादेश पेश गर्ने कार्यतालिका थियो । अघिल्लो अधिवेशन र यस अधिवेशनको बीचमा निधन भएका दुई प्रतिनिधिसभा सदस्य तथा १२ जना पूर्वसांसद्प्रति श्रद्धाञ्जलि प्रकट गरी शोक प्रस्ताव पारित गर्ने कार्यसूची पनि बहिष्कारका कारण प्रभावित भयो ।
बैठकमा गृहमन्त्री रामबहादुर थापाले नेपाल प्रहरी र प्रदेश प्रहरी कार्य सञ्चालन सुपरीवेक्षण र समन्वय अध्यादेश सामाजिक सुरक्षा पहिलो संशोधन अध्यादेश तेजाब तथा अन्य घातक रसायनिक पदार्थ नियमन अध्यादेश, स्वास्थ्य तथा जनसङ्ख्यामन्त्री हृदयेश त्रिपाठीले औषधि तेस्रो संशोधन अध्यादेश र कानून, न्याय तथा संसदीय मामिलामन्त्री लीलानाथ श्रेष्ठले फौजदारी कसूर तथा फौजदारी कार्यविधिसम्बन्धी केही संशोधन गर्ने अध्यादेश, यौनहिंसा विरुद्धका केही ऐनलाई संशोधन अध्यादेश र बेपत्ता पारिएका व्यक्तिको छानविन सत्यनिरुपण तथा मेलमिलाप आयोग तेस्रो संशोधन अध्यादेश, २०७७ पेश गर्ने कार्यसूची थियो ।
अधिवेशनमा जनताका मुद्दामा बहस हुने विश्वास
संसद बैठक स्थगित
संसद बैठकमा कांग्रेसको नाराबाजी
भीम रावलको प्रश्न: प्रधानमन्त्री कुन पार्टीको ?
प्रचण्ड-नेपाल पक्षद्वारा संसद बैठक बहिस्कार
