काठमाडौं । अस्ट्रेलियामा डेढेलोले विध्वश बनाएको छ । आगलागीका कारण केही मान्छेले ज्यान गुमाए ।
अस्ट्रेलियाको जलसेना (नेभी) ले आगलागीमा फसेकाहरूको उद्धार गरिरहेको छ। दैनिक अत्यावश्यकीय सामग्री वितरण गरिरहेको छ। हजारौँलाई उद्धार गर्दै राहत सामग्री वितरण गरेको छ।
गत शुक्रबार उसले एक ग्रामीण होटललाई बियर पनि उपलब्ध गरायो। ‘राहत सामग्रीको सूचीमा बियर आएपछि धेरै जना चकित भएका थिए ।
रक्षा विभागका एक प्रवक्ताले विश्वप्रसिद्ध समाचार संस्था ‘एएफपी’सँग अन्य राहत सामग्रीसँगै नेभीले एउटा होटललाई बियर पुर्याएको पुष्टि गरेका छन्। कार्लटन एन्ड युनाइटेड ब्रुअरिजले सेर्बेरस नौसैनिक आधारमा हेलिकप्टरबाट मदिरा खसालिएको बतायो। मालाकुटा होटलमा २० ड्रम बियर पुर्याइएको थियो।
