चितवन । चितवनमा पहिलो आर्थिक वर्षको तीन महिनामा जम्मा ८.०३ प्रतिशतमात्र पुँजीगत खर्च भएको छ । पुँजीगत खर्चलाई पूर्ण विकास खर्चको रुपमा लिइन्छ ।
आर्थिक वर्ष ०७६र७७ मा चितवनको पुँजीगत बजेट चार अर्ब ६१ करोड तीन लाख ८८ हजार रहेको छ, जसमध्ये चालू आर्थिक वर्षको तीन महिनाको अवधि (साउनदेखि असोजसम्म) पुँजीगत खर्च ३७ करोड २९ हजार १४० रूपैयाँ भएको कोष तथा लेखा नियन्त्रण कार्यालय चितवनले जनाएको छ ।
गत वर्षको तुलनामा चितवनको पुँजीगत खर्चमा खासै वृद्धि हुन नसकेको कोष तथा लेखा नियन्त्रण कार्यालयको भनाइ छ । कोष तथा लेखा नियन्त्रण कार्यालयका कोष नियन्त्रक तथा सूचना अधिकारी कृष्णबहादुर अधिकारीले चालू आर्थिक वर्षको पहिलो तीन महिनालाई हेरेर वर्षको अन्तिममा चाप पर्ने या नपर्ने विषयमा निक्र्यौल गर्न नसकिने बताए ।
चालू आर्थिक वर्षको तीन महिनामा चालू र पुँजीगत गरी जम्मा २० प्रतिशत खर्च भएको कोष तथा लेखा नियन्त्रक कार्यालयले जनाएको छ । तीन महिनाको अवधिमा चितवनमा चालू बजेटको जम्मा २४.७७ प्रतिशत खर्च भएको कोष नियन्त्रक अधिकारीले जानकारी दिए ।
आर्थिक वर्ष २०७६र७७ मा चितवनको चालू बजेट आठ अर्ब ९६ करोड २५ लाख ५० हजार ५८५ रहेको छ । जुन बजेटको तीन महिनाको अवधिमा दुई अरब २१ करोड ९७ लाख ६२ हजार ९८० रूपैयाँ खर्च भएको कोष तथा लेखा नियन्त्रक कार्यालयले जनाएको छ ।
