चितवन । उपभोक्ताहरुबाट बढी स्पीडको शूल्क लिएर कम स्पीडको इन्टरनेट सेवा प्रदान गर्ने ईन्टरनेट सेवा प्रदायक कम्पनीमाथि चितवन प्रहरीले निगरानी गर्ने भएको छ ।
जिल्लामा उपभोक्तामाथि बढी शूल्क लिएर कम स्पीडको इन्टरनेट दिएको गुनासो आउन थालेपछि चितवन प्रहरीले इन्टरनेट सेवा प्रदायक कम्पनीमाथि निगरानी बढाएको हो ।
प्रहरी प्रमुख दानबहादुर मल्लको अग्रसरतामा पहिलोपटक ईन्टरनेट सेवा प्रदायक कम्पनीमाथि विज्ञ टोली नै गठन गरेर अनुसन्धान सुरु गर्न लागिएको हो ।
आफूहरुसँग चर्को शूल्क लिए पनि इन्टरनेटमा सो अनुसारको स्पीड नभएको भन्दै स्थानीयले पछिल्लो पटक चितवन प्रहरीसँग गुनासो राख्न पुगेका थिए ।
उपभोक्ताको गुनासालाई सम्वोधन गर्ने गरी इन्टरनेट सेवा कम्पनिमाथि निगरानी बढाइएको चितवनका प्रहरी प्रमूख प्रहरी उपरीक्षक दानबहादुर मल्लले बताए ।
उपभोक्तासँग बढी एमबिपिएसको पैसा लिने तर इन्टरनेट सेवा प्रदायक कम्पनीले त्यस अनुसारको सेवा नदिएको गुनासो आएपछि हामीले निगरानी बढाएका छौं, मल्लले भने विज्ञ टोलीको रिपोर्टपछि ठगी भेटिए तत्कालै कार्वाही गर्छौं ।’
इन्टरनेट सेवा प्रदायक कम्पनीले ठगी गरेरनगरेको प्राविधिक टोलीले आन्तरिक रुपमा जिल्लामा रहेका सबै इन्टरनेट सेवा प्रदायक कम्पनीको अनुसन्धान अगाडि बढाउने र ठगी गरे/नगरेको निक्र्यौल गरेपछि कार्वाहीको प्रक्रिया अघि बढ्ने एसपी मल्लले जानकारी दिए ।
