चितवन । चितवन प्रहरीले डेढ लाख रुपैयाँ नगदसहित ११ जना जुवाडेलाई गएराती पक्राउ गरेका छन् ।
पक्राउ पर्नेहरूमा भरतपुर महानगरपालिका ११ बस्ने वर्ष ३२ को रुपेश कुमाल, सोही स्थान बस्ने वर्ष ३३ को सुविन कुमाल, वर्ष ३६ को प्रेम पाख्रिन, वर्ष ३५ को उमेश गुरुङ, वर्ष २६ को साजन कुमाल, वर्ष ३५ को सागर कुमाल, इच्छाकामना गाँउपालिका ७ बस्ने वर्ष ३७ को राम बहादुर मगर र सुर्खेत वीरेन्द्रनगर नगरपालिका ११ बस्ने वर्ष ३४ यम थापा मगरलाई प्रहरीले पक्राउ गरेको हो ।
उनीहरुलाई भरतपुर महानगरपालिकाको वडा नम्बर ११ स्थित अमनचोकमा रहेको शिवलाल कुमालको घरमा जुवाखेल भइरहेको भन्ने विशेष सुराकीको आधारमा खटिएको प्रहरी टोलीले गएराती ११ बजे पक्राउ गर्न सफल भएको जिल्ला प्रहरी कार्यालय चितवनका प्रहरी प्रमुख दानबहादुर मल्लले जानकारी दिए ।
