काठमाडौँ । काठमाडौँ महानगरपालिकाको प्रमुख पदमा बालेन्द्र शाह फराकिलो अग्रतातर्फ अघि बढेका छन् । मुख्य निर्वाचन अधिकृत कार्यालय काठमाडौँका अनुसार स्वतन्त्रतर्फबाट उम्मेदवारी दिएका शाहले हालसम्म १३ हजार १८१ मत प्राप्त पाएका छन् ।
त्यस्तै, नेपाल कम्युनिष्ट पार्टी नेकपा (एमाले)को तर्फबाट प्रमुखमै उम्मेदवारी दिएका केशव स्थापितले ७ हजार १०६ मत पाएका छन् । नेपाली कांग्रेसका तर्फबाट प्रमुखमै उम्मेदवार सिर्जना सिंहले ६ हजार २४७ मत प्राप्त गरेकी छन् ।
उपप्रमुख पदमा एमालेका तर्फबाट सुनिता डङ्गोलले १२ हजार १५७ मतले अग्रस्थानमा रहेकी छन् । नेकपा (एकीकृत समाजवादी)का रामेश्वर श्रेष्ठले ३ हजार ६१४ मत प्राप्त गरेका छन् । हाल प्रदर्शनीमार्गस्थित राष्ट्रियसभागृहमा आठ स्थानबाट कामपाको मतगणना कार्य भइरहेको छ । अहिले वडा नं ३, ४, ५, ६, ७, २९, ३०, ३१ र ३२ को मतगणना कार्य जारी छ । वडा नं १ र २ को मतपरिणाम यसअघि नै सार्वजनिक भइसकेको छ ।