काठमाडौँ । चालु आर्थिक वर्षमा ५.८४ आर्थिक बृद्धिदर हुने प्रक्षेपण केन्द्रीय तथ्यांक विभागले गरेको छ । बिहीवार विभागले पत्रकार सम्मेलन गर्दै यस्तो प्रक्षेपण सार्वजनिक गरेको हो ।
तथ्यांक विभागका निर्देशक ईश्वरी प्रसाद भण्डारीका अनुसार कोभिड १९ को असर कम भएको र अबको तीन महिनामा त्यस्तो ठूलो असर नआउने भन्दै विभागले चालु आर्थिक वर्षमा ५.८४ प्रतिशतको आर्थिक वृद्धि हुने प्रक्षेपण गरेको हो ।
यसअघि सरकारले चालु आर्थिक वर्षमा ७ प्रतिशतको आर्थिक बृद्धिदर लक्ष्य हासिल गर्ने लक्ष्य राखेको थियो ।
साथै विभागले चालु आर्थिक वर्षमा कुल ग्राहस्थ उत्पादन (जिडिपी) ४८ खर्ब र उत्पादन मूल्यका आधारमा ४२ खर्ब ७७ पुग्ने जनाएको छ । कृषि र खानीसहित प्राथमिक क्षेत्रको २.३ प्रतिशत, उद्योगको १०.३ प्रशित र सेवा क्षेत्रको आर्थिक वृद्धिदर ५.९ प्रतिशत हुने अनुमान छ ।
