Sunday, May 27, 2018
Home > समाचार > हावाहुरीले भत्कायो जानकी मन्दिरको पर्खाल

हावाहुरीले भत्कायो जानकी मन्दिरको पर्खाल

जनकपुर – भारतीय प्रधानमन्त्री नरेन्द्र मोदिले पूजा गरेर गएको तीन दिनपछि जनकपुरधामको जानकी मन्दीरको बाहिरी पर्खाल भत्किएको छ । सोमबार बिहान तीव्र गतिमा आएको मन्दिर परिसरमा पूर्वतर्फ लगाइएको बाहिरी पर्खाल भत्काएको हो ।

भारतीय प्रधानमन्त्री नरेन्द्र मोदीको शुक्रबार भएको जनकपुर भ्रमणमा उनको स्वागतका लागि पर्खालमा ठूलाठूला फ्लेक्सहरु लगाइएका थिए । पुरानो भइसकेको पर्खालमा ठुलाठुला फ्लेक्स बाँधिएकाले राति आएको हुरीले भार थाम्न नसक्दा भत्किएको मन्दिरका छोटे महन्थ रामरोशन दास वैष्णवले जानकारी दिएका छन् ।

भारतीय प्रधानमन्त्रीको भ्रमणका लागि गतसाता मात्रै मन्दिरको चारैतिर सरसफाइ गरी पर्खालहरुमा केसरीया रंगले रंगाइएको थियो । पर्खाल भत्किँदा मन्दिरसँगै रहेको बगैंचाका बोटबिरुवाहरु पनि भाँच्चिएका छन् ।

Leave a Reply